«Бирге арзан Премиум» тарифин O!Store фирмалык дүкөндөрүнүн биринен же «Мой О!» тиркемесинен кошуп алсаңыз болот.

«Бирге арзан Премиум» тарифинин негизги курамы 4 SIM-картадан турат:

1. Башкы SIM-карта (1 даана) – SIM-картаны телефондо пайдаланыш керек. Айлык абоненттик төлөм ушул SIM-картадагы номерден алынат. Кошумча номерлерди башкаруу да ушул номерден жүргүзүлөт.

2. Роутер үчүн SIM-карта (1 даана) – бул SIM-картаны роутерде Интернетке чыгуу үчүн колдонуу керек.

3. Телефондо колдонуу үчүн кошумча эки SIM-карта (2 даана). SIM-карталарды үй-бүлө мүчөлөрү телефондо колдонууга тийиш.

Топко үй-бүлө мүчөлөрүнүн санына жараша кошумча 2 SIM-картага чейин дагы кошсо болот: топто роутердеги SIM-карта менен бирге максимумалдуу 6 SIM-картага чейин кошуу каралган. Башкы номер «Бирге арзан Премиум» тарифине кошулганган кийин эки кошумча номерлерди бир жолу акысыз кошууга жол берилет, ал эми номердин улам кийинки кошуунун/алмаштыруусунун баасы 350 сомду түзөт. Эгер Башкы номер топко 3-кошумча номерди кошсо, анда кезектеги 30 күндүк абоненттик төлөм 2 240 сомду түзөт, 4-кошумча номер кошулган учурда - кезектеги 30 күндүк абоненттик төлөм 2 590 сом болот.

• КР башка мобилдик операторлордун номерлерине чалуулар - 2,8 сом/мүн.

• Кыргызстан боюнча SMS - 1,5 сом/даана

• КР жергиликтүү телефон байланыш операторлорунун номерлерине чалуулар - 4,99 сом/мүн.

• Топтогу номерлердин баарына трафик боюнча максималдуу мүмкүн болгон ылдамдыктагы чексиз интернет берилет;

• Бардык кардарларын интернет менен камсыздоо максатында компания ашыкча жүктөм сааттарында тармактык ресурстарын адилеттүү бөлүштүрүү үчүн трафиктин "адилеттүү пайдалануу саясатын" (FUP - Fair Usage Policy) колдонуп келет. Эсептешүү мезгилдин ичинде (абоненттик төлөмдү акыркы алган күндөн тартып) абонент интернеттин ашыкча көп көлөмүн колдонуп жатса жана башка абоненттер үчүн ыңгайсыздыктарды жаратса, тутум абоннеттик төлөмдү кийинки алганга чейин (эсептешүү мезгили аяктаганга чейин) интернетке кирүү ылдамдыгын азайтат. Кезектеги абоненттик төлөмдү алган күндөн тартып, интернетке кирүү ылдамдыгы автоматтык түрдө калыбына келтирилет. Мындай мамиле жасоонун негизги артыкчылыгы болуп түйүндүн ресурстарын бардык абоненттердин ортосунда адилеттүү бөлүштүрүү жана ошол учурда мүмкүн болгон максималдуу ылдамдыкты берүү саналат;

• «Бирге арзан Премиум» тарифтик планынын алкагында Башкы номерде 200 ТВ каналды камтыган «О!TV Премиум» ТВ каналдар топтому каралган. Сүйүктүү ТВ каналдарыӊызды кѳрүү үчүн AppStore (iPhone жана iPad үчүн), Google PlayMarket (Android үчүн) дүкѳндѳрүнѳн тиркемени кѳчүрүп алуу же болбосо www.otv.kg веб-порталына кирүү жетиштүү. Мультискрин функциясынын жардамы менен сервисти үй-бүлѳнүн 5 мүчѳсү бир эле учурда ар башка түзүлүштѳрдѳн (телевизор, планшет же телефон) колдоно алат! О!TV кызматы жѳнүндѳ кененирээк маалымат бул жерде;

«Бирге арзан Премиум» тарифи үчүн абоненттик төлөмдү 1 890 сомдон 1 жылга ай сайын* төлөө шартын кабыл алуу милдеттүү.

* 1 жыл – бул 12 төлөнгөн мөөнөт. Бул шаррты мөөнөтүнөн мурда бузган жана 60 күндөн ашуун абоненттик төлөмдү төлөбөй койгон учурда айып төлөм 2 500 сомду түзөт.

• Маанилүү! SIM-карта катталбаган учурда байланыш кызматтары жеткиликтүү болбойт. Эгер SIM-карта активдештирилген соң 30 күндүн ичинде номер катталбаса, тарифтик планга ылайык, Сизге бардык салыктарды кошкондо, күнүнѳ 20 сом ѳлчѳмүндѳ кепилденген ээлеп туруу мѳѳнѳтү берилет. Бул мѳѳнѳттүн ичинде номериңизди каттоо мүмкүндүгү сакталып турат. Ѳздүк эсебиңизде 20 сомдон аз каражат калган учурда, оператор калдыктын суммасына кызмат кѳрсѳтүүгѳ укуктуу. Балансыңызда каражат жок болсо, номериңиз ѳчүрүлѳт – SIM-карта деактивацияланат;

• КР боюнча узактыгы 3 секундага чейинки бардык чыгуучу чалуулардын баасы – 0 сом;

• Бардык кирүүчү чалуулар акысыз, КР жергиликтүү телефон байланыш операторлорунун номерлеринен 705 префиксиндеги номерлерге келген кирүүчү чалуулар – сүйлөшүүнүн бир мүнөтү - 4,99 сом;

• «Бирге арзан Премиум» тарифтик планына кошулганда, «Үн почтасы» кызматы кызматтын сайтта каралган шарттарынын негизинде автоматтык түрдө кошулат;

• «Бирге арзан Премиум» тарифтик планынын абоненттери «Менин жаңы номерим» кызматынын шарттарына ылайык Роутер үчүн SIM-картанын номеринен башка номерди тандай алышат жана өзгөртө алышат;

• Эгерде сизде абоненттик төлөм күн сайын алынуучу кошумча кызматтардын бири кошулган болсо, жана «Бирге Арзан Премиум» тарифи боюнча кезектеги ар айлык абоненттик төлөм алынган учурда балансыңызда абоненттик төлөмдү төлөө үчүн сумма жетишсиз болуп чыкса, анда кошулган кошумча кызматтан пайдалануу мүмкүнчүлүгү чектелет. Мында кошумча кызмат боюнча абоненттик төлөм кошулган кызматты көрсөтүүнүн шарттарына ылайык алына берет. Бул кызматтарды конкреттүү кызматты көрсөтүүнүн эрежелерине ылайык каалаган учурда өчүрүп койсо болот;

• Чыгуучу эл аралык чалуулар жана SMS эл аралык байланыш кызматтарын көрсөтүү шарттарына жараша жеткиликтүү;

• «Бирге арзан Премиум» тарифтик планына кошулганда, «Бүткүл дүйнө» кызматы автоматтык түрдө кошулат, анын жардамы менен арзан баада эл аралык чалууларды жүргүзүүгө болот;

• «Бирге арзан Премиум» тарифинин алкагында роумингдин кызматы сайтта баяндалган жалпы эрежелердин негизинде көрсөтүлөт;

• Эгер ай сайын алынуучу абоненттик төлөмдү алуу учурунда Башкы SIM-картанын балансында жеткиликтүү сумма жок болсо, анда абоненттин балансындагы бардык сумма болочок төлөм катары резервделет, ал эми жетишпеген сумма баланста кемитүү белгиси менен (терс баланс) көрсөтүлөт жана шашылыш кызматтардын акысыз номерлерине чалуулардан башка бардык чыгуучу мобилдик байланыш, O!TV жана интернетке кирүү өчүрүлөт. Мобилдик байланыш кызматтарын, O!TV колдонууну улантуу жана интернетке кирүү үчүн балансты айлык абоненттик төлөмдү алууга жеткиликтүү суммага толуктоо керек;

• Тарифтин алкагында ал үчүн ар бир абоненттик төлөм алынгандан кийин Wi-Fi аркылуу 10 ГБ интернет-трафикти акысыз таратуу мүмкүндүгү каралган. Смартфонуңузду интернет-трафиктин көрсөтүлгөн көлөмүн сарптагандан кийин башка түзүлүштөргө интернетке туташуу чекити катары колдонууну улантыш үчүн (модем режиминде) «Интернет тарат!» кызматынан пайдаланыңыз;

• «Бирге арзан Премиум» тарифинин алкагында Башкы жана Кошумча номерлерде төмөнкү кызматтарды кошуу мүмкүн эмес: ««5+5», «Сенин нөлүң күнүмдүк!», «Сенин чексиздигиң», «Сенин нөлүң!» (7 күн), «Сенин нөлүң 3, 6, 12!», «СУПЕРХАЙП + YouTube» жана «Чексиз Instagram, Whatsapp, Telegram»;

• Тарифтин, ар айлык абоненттик төлөмдүн, Кошумча номерди алмаштыруунун/кошуунун баасы бардык салыктарды эске алуу менен, ал эми калган кызматтардын баасы КНС эске алынып, СС кошулбастан көрсөтүлгөн;

• О! түйүнүндөгү чыгуучу чалуулардын жана КР башка байланыш операторлоруна чалуулардын тарифтештирүү интервалы – 10 секунда;

• Акылуу байланыш кызматтарын өчүрүү босогосу тарификациянын минималдык бирдигин төлөө үчүн керектүү акча каражаттарынын санына туура келет.

• Башкы номердеги «Бирге арзан Премиум» тарифин мөөнөтүнөн мурда алмаштыруу (тарифке кошулган учурдан тартып 12 милдеттүү абоненттик төлөм төлөнгөнгө чейин) Башкы номер катары катталган абонент каалаган О! кеңсесине же O!Store дүкөнүнө кайрылган учурда жана 2 500 сом өлчөмүндөгү айып төлөмдү О! кеңсесинин же О!Store дүкөнүнүн кассасына накталай акча каражаттарды киргизүү жолу менен төлөгөндө гана мүмкүн;

• Башкы номер тарабынан «Бирге арзан Премиум» тарифин компаниянын которулуу үчүн ыңгайлуу башка каалаган тарифине алмаштырылганда сарпталбаган бардык мүнөттөр жана интернеттин мегабайттары күйүп кетет. Мында мурда «Бирге арзан Премиум» тарифи үчүн алынган абоненттик төлөм кайтарылбайт;

• Эгер Башкы номер «Бирге арзан Премиум» тарифин каалаган башка тарифке алмаштырса, анда бардык Кошумча номерлерде автоматтык түрдѳ «Переходи на О!» топтомунун которулган учурда актуалдуу болгон тарифтик планына, ал эми роутердин номери – роутерлер менен модемдерге арналган актуалдуу тарифтик планга кошулат;

• Эгер Башкы номер топтогу Кошумча номерлердин бирөөсүн өчүрүп салса, анда өчүрүлгөн номердин тарифи «Переходи на О!» топтомунун которулган учурда актуалдуу болгон тарифине автоматтык түрдө алмашат;

• Эгер Кошумча номерлердин бири «Бирге арзан Премиум» тарифин өз алдынча алмаштырып алса, анда Кошумча номердеги «Бирге арзан Премиум» тарифинин шарттары автоматтык түрдө өчөт да, учурдагы балансты эске алуу менен жаңы тарифтин шарттары кошулат.

«Бирге Арзан Премиум» ТП шарттарын кабыл алуу жөнүндө акцепт